Според полицискиот извештај, возачот на патничкото возило „фолксваген голф“ со скопски регистарски ознаки удрил во столб на патарината „Романовце“ кај Куманово, при што настанал пожар на возилото. Возачот починал на местото на настанот
Во сообраќајна несреќа на автопатот Скопје–Куманово рано утринава загина возач на автомобил.
Според полицискиот извештај, возачот на патничкото возило „фолксваген голф“ со скопски регистарски ознаки удрил во столб на патарината „Романовце“ кај Куманово, при што настанал пожар на возилото.
„Притоа, на местото на настанот починал возачот, а смрт констатирал лекар од Итната медицинска помош“,
соопштија од кумановската полиција.
Пожарот кој настанал при судирот во патарината бил изгасен од четворица пожарникари од Територијалната противпожарна единица (ТППЕ) Куманово и од вработени во наплатната станица.
По наредба на јавен обвинител, телото на починатиот е дадено на обдукција, а увид на местото извршила екипа од СВР Куманово.