Министерството за здравство информира дека за еден од двајцата пациенти што се вратиле од Занзибар се готови анализите и кај него е детектиран британскиот сој на коронавирусот.
Анализите на брисовите се направени во лабораторијата на МАНУ.
Во текот на утрешниот ден, пак, ќе се направат анализи и на вториот пациент за кој претходно информираа здравствените власти.
Комисијата за заразни болести веќе предложи задолжителен карантин од 14 дена за лица кои доаѓаат од сите африкански земји, а најавено е и можно заострување на мерките.