Пратеникот и член на Извршниот комитет на ВМРО-ДПМНЕ, Миле Лефков, денеска на прес-конференција обвини дека братот на првиот вицепремиер Ветон Груби поседува голем деловен простор на улица „Македонија“ во вредност од половина милион евра. Објектот со површина од 127 квадратни метри, додаде Лефков, е купен во време кога Груби е вицепремиер во Владата
Продолжуваат препукувањата на релација ВМРО-ДПМНЕ – ДУИ. Откако најголемата опозициска партија денеска обвини дека братот на Артан Груби купил деловен простор на улица Македонија во вредност од половина милион евра додека тој е вицепремиер, со реакција се јавија интегративците од каде што посочија дека „криминалното здружение ВМРО-ДПМНЕ на шпицниот командант Мицкоски е антиалбанска партија“.
„Судско потврденото криминално здружение ВМРО-ДПМНЕ на Христијан Мицкоски прерасна во двигател на антиалбански наратив во нашето општество и се натпреварува со Левица на Апасиев во расистички напади.
соопштија од ДУИ.
Гордана Јанкуловска, Миле Јанакиевски, Мартин Протугер, Биљана Бошковска, Елизабета Чингаровска и многу други со јавно признание пред суд признаа и потврдија дека ова ВМРО-ДПМНЕ на Мицкоски е криминално здружение и тоа го запечати судот со пресуда. ВМРО-ДПМНЕ на Мицкоски е единствена партија во земјава чиј целосен имот е замрзнат од судот поради признанието дека е криминално здружение“,
Оттаму нагласуваат дека „во обид да го сокрие овој голем срам, скандалозно унапредениот син од страна на неговиот татко на факултет, Христијан Мицкоски, идеолошкиот партнер на Додик, Јанша, Орбан и Апасиев и политички хидробизнисмен, соработник со неговите бивши заменици и анти-НАТО и анти-ЕУ елементи во нашето општество, крои антиалбански наратив за да заличи на Левица на Апасиев и да придобие од неговата популарност кај екстремистичките кругови“.
„Дополнително, и шпицниот командант Мицкоски како и Апасиев во нивните сограѓани Албанци гледаат само како подредени граѓани, како граѓани од втор ред, Албанци кои не смеат да бидат на високи државни позиции, и тие што се на тие позиции, веднаш ги напаѓаат со клевети, лаги, измислици, без никакви факти и аргументи. Ова не поминува, не го поддржуваат граѓаните, ниту членовите на ВМРО-ДПМНЕ“,
велат од ДУИ.
Тие ги повикаа членовите на ВМРО-ДПМНЕ да се дистанцираат од „овие расистички и изолациони анти-НАТО и анти-ЕУ политики на шпицниот командант и да ја одвратат партијата од овие погубни политики“.
На ваквата реакција возвратија од ВМРО-ДПМНЕ од каде посочија дека нема ништо антиалбанско во обелоденувањето на криминалот на Груби и дека неговите нервозни реакции покажуваат само дека тој е фатен на дело, „обвиткан со криминал и рекет“.
„Ја разбираме реториката на ДУИ, наместо аргументи за тоа како фирмата на брат му на Груби станала сопственик на ултра деловен објект на улица Македонија во центарот на Скопје, тие се насочија кон стандардното манипулирање дека наводно ВМРО-ДПМНЕ била антиалбанска партија. Груби треба да знае дека нема ништо антиалбанско во обелодувањето на неговиот криминал, но има многу антиалбанско во неговото богатење на грбот, и на Македонците, и на Албанците, но и сите останати граѓани. Навистина не можеме да го препознаеме ова ново однесување на Артан Груби кон ВМРО-ДПМНЕ кое многу поразлично од минатите години кога се треперење доаѓаше во седиштето на ВМРО-ДПМНЕ, се часови се поклонуваше пред портретите на македонската револуционерна борба и зборуваше со воодушевување на столетниот габарит и улога на ВМРО во македонската борба за слобода. Ја сфаќаме и неговата пасија кон одредени хотелско коцкарски коалиции и преференциите да биде близок до таквите луѓе за кои што во неформални разговори кажува дека се неговите идоли. Но, таквата негова клептоманија не ги решава проблемите на граѓаните“,
се наведува во соопштението на ВМРО-ДПМНЕ.
Како што најави, опозициската ВМРО-ДПМНЕ и денеска продолжи со низата обвинувања за луѓето блиски до првиот вицепремиер Артан Груби, кои, како што велат од партијата, вртат големи бизниси, а тоа им го овозможуваат функционери на ДУИ во институциите.
Пратеникот и член на Извршниот комитет на ВМРО-ДПМНЕ, Миле Лефков, денеска на прес-конференција обвини дека братот на првиот вицепремиер Ветон Груби поседува голем деловен простор на улица „Македонија“ во вредност од половина милион евра. Објектот со површина од 127 квадратни метри, додаде Лефков, е купен во време кога Груби е вицепремиер во Владата.
По ова се огласи туристичката агенција „ЕТЦ травел“, која е во сопственост на братот на Артан Груби, од каде што посочија дека објектот на улица „Македонија“ е купен со хипотекарен кредит кој ќе се отплаќа 20 години. Од компанија ги повикаа политичките партии и медиумите за коректност кон македонските компании „и да не ги користат домашните фирми за дневно политичко препукување“.