Претседателката, премиерот и претседателот на парламентот ќе ги стават своите потписи на апликацијата за членство
Во Приштина денеска ќе се одржи церемонија на која ќе биде потпишано барањето за членство на Косово во ЕУ, јавија приштински медиуми.
Косовското претседателство соопшти, пренесува „Коха“, дека церемонијата ќе се одржи во 11 часот.
Апликацијата ќе ја потпишат претседателката Вјоса Османи, премиерот на Косово, Албин Курти и претседателот на косовскиот Парламент, Гљаук Коњуфца.
По средбата е предвидена и прес – конференција.
Курти вчера не прецизираше ден, но најави дека оваа недела Косово официјално ќе го поднесе барањето за членство во ЕУ.