Министерството за внатрешни работи информира дека на гласачко место во ОУ „Ѓорѓија Пулевски“ во Аеродром во 13:15 часот претседателот на избирачкиот одбор побарал интервенција бидејќи лице влегло на гласање со маска на лицето на која имало партиски симбол и не сакало да ја смени.
Кога дошле полициски службеници, лицето веднаш ја сменило маската и му било овозможено да гласа, а потоа лицето почнало расправија со полицијата.
„Лицето потоа почнало на висок тон да се расправа со полициските службеници, по што ѝ била дадена наредба да престане и излезе надвор од училиштето за да не го нарушува јавниот ред и мир за време на гласањето, при што таа одбила и продолжила да го нарушува јавниот ред и мир. Лицето е лишено од слобода и против него ќе биде поднесен записник за констатиран прекршок по чл. за нарушен ЈРМ со карање, викање, дрско и непристојно однесување и чл.14 за нарушување на ЈРМ со непочитување на наредба од УПС од ЗППЈРМ,
соопшти МВР.
Од полицијата е утврдено дека се работи за Е.Т. (37) од Скопје.