Опозициската ВМРО-ДПМНЕ смета дека платежната картичка за купување домашни производи што власта ја промовира како дел од третиот сет економски мерки за помош во услови на ковид-криза е класичен поткуп.
„СДСМ не знае како да се справи со пандемијата и во државата се случува тотален хаос. Ниту знаат што да прават на здравствен ниту на економски план. Се фалеа со економски мерки кои беа задоцнети и не беа од никаква помош бидејќи илјадници граѓани останаа беа примања“,
се вели во денешното партиско соопштение.
Од владејачката партија, објаснувајќи ја оваа мерка, велат дека домашната платежна картичка за вкупно 324 479 граѓани е поттикнување на приватната потрошувачка и поддршка на македонските производи и услуги.
„Остануваме посветени на помош и поддршка на нашите граѓани, на помош и поддршка на нашата економија за сите заедно полесно и побрзо да се справиме со кризата предизвикана од пандемијата со коронавирусот“,
се вели во денешното соопштение.