Средното училиште во Улцињ и вчера на електронската пошта доби дојава за поставена експлозивна направа, при што биле евакуирани учениците и наставниците
Во Црна Гора денеска има нови дојави за поставена бомба во средно училиште во Улцињ и во Универзитетот на Црна Гора.
Поради дојавата за бомба пристигната на електронската пошта на Универзитетот, евакуирани се зградата на Ректоратот и техничките факултети.
Црногорската полиција соопшти дека ги презела сите мерки.
Средното училиште во Улцињ и вчера на електронската пошта доби дојава за поставена експлозивна направа, при што биле евакуирани учениците и наставниците. Кога пристигнала денешната дојава, учениците не биле во училиштето, но полицијата го пребарува објектот.
Изминатиот период црногорските училишта добиваа повеќе дојави за поставена бомба. Досега специјалните полициски единици немаат пронајдено експлозивни направи во образовните институции.