Да не се залажуваме дека по приемот на една доза не може да се заразиме. Дури и две-три недели по приемот на втората доза. Додека не помине тој период, исто како да не сме вакцинирани, вели Караџовски
Вакцинираните против ковид-19, во периодот од две до три недели по првата доза и исто толкав период по примање на втората доза, мора да ги почитуваат мерките за заштита бидејќи тие се ранливи на инфекција исто како и невакцинираните, предупреди денеска епидемиологот Жарко Караџовски.
„Секој може да се зарази во тој период од 7 до 8 недели, колку што е периодот од приемот на првата и втората доза и развојот на имунитет. Секој имунолошки систем е различен, но она што треба да се знае е да не се залажуваме дека по приемот на една доза не може да се заразиме. Дури и две-три недели по приемот на втората доза. Додека не помине тој период, исто како да не сме вакцинирани“,
рече Караџовски.
Тој го повтори информациите што вчера ги објавија некои медиуми, дека од почетокот на пандемијата кај нас има 116 случаи на повторна инфекција, од кои двајца починале.
„На почетокот на епидемијата лесно можевме да зборуваме дека вакви инфекции се можни да се случат бидејќи немавме вакцини. Сега тоа е можно и во периодот меѓу првата и втората доза и две недели после втората доза. Може да циркулира и друг сој“,
објасни Караџовски.
Според ИЈЗ, меѓу овие 116 случаи на повторна зараза, има и едно 6-годипно дете, а починатите се на возраст од 63 и 77 години.