По средбата со Пендаровски, Петков изјавил за бугарските новинари дека се надева тоа да се случи во следните 60 дена и тоа да биде личност која е бизнис ориентирана и прагматична
Бугарскиот премиер Кирил Петков очекува наскоро Северна Македонија да има амбасадор во Бугарија. Тој го изјави тоа за бугарските новинари кои известуваат за посетата на бугарската делегација на Скопје, а откако имаше средба со претседателот на државата Стево Пендаровски.
Како што јави МИА од Софија, Петков појасни дека се надева тоа да се случи во следните 60 дена.
Пендаровски му порачал на Петков дека штом ќе добие предлог за иден амбасадор на Северна Македонија во Бугарија, нема да го одложи испраќањето.
Петков рече дека профилот на идниот амбасадор на Северна Македонија ќе биде бизнис-ориентиран и прагматичен.
Софија е еден од повеќето лавни градови во кои земјава веќе долго време нема амбасадори.
Минатиот месец, шефот на дипломатијата, Бујар Османи најави комплетирање на дипломсатската мрежа на земјава по изборот на новата Влада, но посочи и на тешкотии во комуникацијата со собраниската Комисија за надворешни работи, како последен „филтер“ за пополнување на амбасадорските позиции.