Активни се пожарите во Општина Ѓорче Петров кај селото Грачани – пожар што е активен и на територијата на Република Косово, а гори мешана шума, како и пожарот во Општина Македонски Брод кај селото Белица, каде гори нискостеблеста деградирана и мешана шума
Центарот за управување со кризи (ЦУК) информира дека денеска до 7:30 часот на територијата на целата држава се регистрирани вкупно 31 пожар на отворен простор, од кои два се активни, пет се под контрола, а 24 се изгаснати.
Активни се пожарите во Општина Ѓорче Петров кај селото Грачани – пожар што е активен и на територијата на Република Косово, а гори мешана шума, како и пожарот во Општина Македонски Брод кај селото Белица, каде гори нискостеблеста деградирана и мешана шума.
Петте пожари што се под контрола се во Општина Струга кај селата Буринец, Локов и Селци, каде што гори нискостеблеста шума, во Општина Сарај кај селото Копаница, каде се зафатени нискостеблеста шума и ниска вегетација, во Општина Чучер-Сандево кај селото Брест, каде гори мешана шума, а во општините Кратово и Делчево горат градските депонии.
ЦУК информира за локациите на изгаснатите пожари:
Општина Сарај: с. Копаница (нискостеблеста шума);
Општина Сарај: с. Горна Арнакија (нискостеблеста шума);
Општина Гази Баба: ул. 516 во Стара Комуна (ѓубре);
Општина Арачиново: с. Грушино (депонија);
Општина Сопиште: с. Барово (мешана шума);
Општина Новаци: с. Тепавци (ниска вегетација и нискостеблести растенија);
Општина Битола: ул. „16-та“ во Битола (ѓубре);
Општина Струмица: с. Моноспитово – с. Бориево (депонија);
Општина Радовиш: с. Дамјан (ниска вегетација и грмушки);
Општина Радовиш: с. Подареш (ниска вегетација);
Општина Дојран: с. Фурка (ниска вегетација);
Општина Струга: с. Октиси (стрниште и нискостеблеста шума);
Општина Македонски Брод: с. Преглово (стрниште и нискостеблеста шума);
Општините Градско и Лозово: с. Кочилари (Општина Градско) и с. Бекирлија (Општина Лозово) (ниска вегетација и борови насади);
Општина Градско: с. Водоврати (ниска вегетација);
Општина Виница: на влезот во Виница (ниска вегетација);
Општина Кочани: во близина на Меморијалниот центар АСНОМ (ѓубре);
Општина Куманово: населба Карпош (ниска вегетација);
Општина Липково: с. Оризаре (стрниште);
Општина Теарце: с. Глоѓе (ниска вегетација);
Општина Теарце: с. Нераште (ниска вегетација);
Општина Желино: с. Палатица (ниска вегетација и ѓубре);
Општина Гостивар: с. Чајле (ниска вегетација);
Општина Маврово и Ростуше: планина Бистра, месност Кириловец (ниска вегетација).