Последен пат кога бензинот и дизелот се продаваа по иста цена беше на 24 јуни годинава, кога нивната малопродажна цена изнесуваше 110 денари за литар
Од ноќеска на полноќ малопродажните цени на дизелот и бензинот еуросупер 95 се изедначуваат и ќе се продаваат по цена од 84,5 денари за литар.
Изедначувањето на цените следува откако Регулаторната комисија за енергетика (РКЕ) донесе одлука за намалување на цената на дизелот за два денари за литар, што ќе стапи во сила од полноќ. Цените на останатите горива, пак, денеска остануваат исти и нема да се менуваат.
Па така, според одлуката на РКЕ, литар дизел од полноќ ќе се продава за 84,5 денари, цената на еуросупер БС-95 останува 84,5 денари за литар, а литар еуросупер БС-98 и понатаму ќе се продава за 86,5 денари.
Екстра лесното масло за горење 1 (ЕЛ-1) останува да се продава по цена од 82,5 денари за литар, а цената на мазутот М-1 НС останува 41,81 денари за килограм.
Последен пат кога бензинот и дизелот се продаваа по иста цена беше на 24 јуни годинава, кога нивната малопродажна цена изнесуваше 110 денари за литар.