Директорот на протоколот поднесе оставка која ја прифатив, иако немаше никаква дректна одговорност, рече министерот Османи
Министерот за надворешни работи Бујар Османи вечерва во емисијата „24 анализа“ во врска со згрешените знамиња кога во министерството доаѓаат странски гости, откри дека по последниот скандал, кога словенечката министерка за надворешни работи Тања Фајон беше пречекана со словачко знаме, шефот на протокол во МНР поднел оставка, а Османи му ја прифатил.
„Тоа беше едно од десетте знамиња и кога имате интензивна агенда се прават грешки. Директорот на протоколот поднесе оставка која ја прифатив, иако немаше никаква дректна одговорност. Тоа се други луѓе, поради морална одговорност поднесе оставка, а работеше една година“,
рече Османи.