Владата на САД бележи зголемување на заканите против Евреите, муслиманите и Арапските Американци откако избувнаа борбите во Газа, пишува „Ројтерс“
Во последните недели, се поголем број странски екстремистички организации повикале на напади врз САД и западните земји, сугерирајќи дека војната меѓу Хамас и Израел би можела да ги мотивира нападите, истакнал директорот на американското Федерално биро за истраги (ФБИ), Кристофер Вреј, пренесува „Ројтерс“.
Вреј посочил дека ФБИ во моментов не истражува „организирана закана“ за Америка, но оти безбедносните сили се загрижени дека војната на Блискиот Исток може да послужи како инспирација за поединци или мали групи да нападнат Американци.
Тој додаде дека ФБИ очекува кибер-напади против интересите и инфраструктурата на САД и дека заканата од други напади ќе се влоши со ширењето на конфликтот.
Овие забелешки беа посочени за време на сослушувањето пред Комитетот за внатрешна безбедност и владини прашања на Сенатот на САД, фокусиран на заканите за Соединетите држави.
Владата на САД бележи зголемување на заканите против Евреите, муслиманите и Арапските Американци откако избувнаа борбите во Газа, пишува „Ројтерс“.