На прашањето дали има политички влијанија во синдикалното организирање имајќи предвид дека за јавниот се вели дека е партиска војска, Димовски признава дека во администрацијата треба да се случат сериозни реформи, бидејќи во администрацијата, има работници кои не одат на работа
Мене лично како Дарко Димовски, како претседател на Сојуз на синдикати на Македонија, ми е јасно дека ниту владата, ниту опозицијата не сака да има јак синдикат, вели Димовски во интервју за Радио Слободна Европа (РСЕ) на Меѓународниот ден на трудот.
За критиките од опозицијата дека е омилен синдикалец на Владата, Димовски вели дека тоа што ги решаваат оние проблеми од работен однос во интерес на работниците е причина за ваквите обвинувања.
„Тогаш опозицијата нема што да критикува, бидејќи ние како Сојуз на синдикати на Македонија, сè што ни беше зацртано – Недела неработен ден, плус зголемување од минимум 50 отсто на дневницата за оние што работат во недела, потоа минимална плата од 18 илјади денари, и сега новата методологија за скалесто покачување на останатите плати и правото кога, баш во 2008 година кога еден несреќен министер и еден несреќен синдикат, се изгуби правото на регрес во јавниот сектор или актуелното К-15“,
вели Димовски.
На прашањето дали има политички влијанија во синдикалното организирање имајќи предвид дека за јавниот се вели дека е партиска војска, Димовски признава дека во администрацијата треба да се случат сериозни реформи, бидејќи во администрацијата, има работници кои не одат на работа.
„Ако некој дозволи за време на работно време некој да не биде на своето работно место, да се пие кафиња, како што велат, зад шалтерите, и да не ја работи својата работа, треба навистина да ставиме способни луѓе и менаџери кои навистина ќе знаат да ја работат работата, а не само да имаат партиска книшка и потоа да станат функционери, политичари или како што јас ги вика, политиканти или раководни лица на тие институции. Затоа не треба да се покажува со прст кон работникот што навистина оди на работа и си ја работи работата, треба прстот да се впери во тие што дозволуваат некои партиски војници само да бидат на платниот список, да земаат плата и да го демотивираат вистинскиот работник кој работи и за него и за себе, тоа значи дека има зголемен обем на работа“,
вели Димовски.
Целото интервју може да го видите на следниот линк.