Министерот за надворешни работи Никола Димитров информира дека утрово, во соработка со Црна Гора и Косово, 63 македонски граѓани се вратиле во Северна Македонија (еден автобус и 19 автомобили) и тие одат во задолжителен карантин. Од нашата земја излегле 15 црногорски граѓани.
„Во автобусот на пат кон Црна Гора овозможивме 15 црногорски граѓани да се вратат во татковината. Благодарност до Црна Гора за соработката и до Косово за овозможување непречен транзит. Во ова време-невреме, солидарноста и соработката со пријателите е исклучително важна“, вели Димитров.
Владата на вчерашната седница донесе уредба според која граѓаните кои пристигнуваат на граничните премини за влез во земјава ќе бидат транспортирани до државните карантини секој ден во 10 часот и во 20 часот.
„Апелираме до граѓаните кои мораат да допатуваат во земјава да ги планираат своите пристигнувања на граничните премини непосредно пред посочените термини со цел да не се создава метеж и чекање“,
соопшти владината прес-служба.