Според информациите од терен што пристигнале до Државната изборна комисија, сите гласачки места утрово се отворени навреме и процесот се одвива непрекинато и без проблеми, соопшти портпаролот на ДИК, Адмир Шабани.
За 9:30 часот е закажана првата прес-конференција во ДИК за излезеноста до 9 часот, по што на секои два часа ќе се информира за текот на гласањето на десеттите по ред парламентарни избори.
Шабани го соопшти процентот на излезеноста на гласањето вчера во казнено-поправните домови, старските домови и на болните и немоќните на целосно обработени податоци.
Во казнено-поправните домови од вкупно 1 657 лица, гласале1 282 или 76,86 отсто.
Од вкупно пријавени 8 325 пријавени болни и немоќни лица, гласале 94,04 проценти, додека во старските домови од 357 гласачи, се изјасниле 234 или 80,62 отсто.