Државната изборна комисија информира дека до 17 часот во земјава гласале 703 597 граѓани или изразено во проценти одѕивот е 38,78 отсто.
Обработени се податоците од 3 459 избирачки места од вкупно 3 480 избирачки места.
„Репрезентативниот примерок е навистина одличен“,
рече на прес-конференција претседателот на ДИК, Оливер Деркоски.
По изборни единици, одѕивот е следен: Во првата изборна единица излегле 41,01 отсто од гласачите, во втората изборна единица 36,98, во третата 43,99, во четворката 43,99, во петтата изборна единица 38,22 отсто и во шестата 29,6 отсто.
Претседателот на ДИК на прес-конференција рече дека гласањето се одбива мирно, со некои помали инциденти.
„Изборниот ден поминува во најдобар ред, со некои мали инциденти, но тие се решаваат во од и сите други прашања што се наметнуваат во текот на денот. Можеме да кажеме дека во глобала сме задоволни од сликата, со оглед дека изборите се одвиваат во исклучително комплицирани услови“,
рече Деркоски.