Излезеноста на парламентарните избори до 13 часот, според податоците на Државната изборна комисија, е 24,61 отсто од обработени податоци од 3 383 гласачки места каде што гласале 446 438 гласачи.
Како што може да се види на страницата rezultati,mk на ДИК во ИЕ 1 излезеноста е 27,36%, при што најмногу во општината Аеродром и Карпош каде таа е над 30 проценти.
Во ИЕ 2 излезеноста до 13 часот е 22,68 отсто, и тоа највисока е во Ѓорче Петров со над 28 отсто.
Во ИЕ 3 одѕивот е 29,72 отсто, при што се издвојуваат Крива Паланка со 41%, Пробиштип со 35, 29 и Берово со 32,49 отсто излезеност на гласачите.
Во ИЕ 4 излезеноста е 28,22 отсто, каде се издвојува Неготино со 33, 42 отсто и Прилеп со 32, 47 отсто.
Во ИЕ 5 одѕивот е 24,03, при што со најголем процент се издвојуваат Вевчани со 39, 86%, Крушево со 37,84% и Битола со 31,19 проценти.
Во ИЕ 6 излезеноста до 13 часот според ДИК е 16,54%, при што се издвојуваат општините Тетово со 19, 11% и Јегуновце со 17,05 отсто.
Иако МВР веќе соопшти за забележани нарушувања на изборниот процес, како агитирање, носење гласачи и слично, при што едно лице во Скопје е уапсено, портпаролот на ДИК, Адмир Шабани, рече дека официјално до ДИК досега нема поднесено приговор. Како што посочи, има само прашања до службите кои работат со Избирачкиот список кои ги упатуваат гласачите.