ДИК објави конечни резултати од првиот круг претседателски избори – во вториот одат Пендаровски и Силјановска-Давкова

Според конечните резултати, кои ги прочита претседателот на ДИК, Александар Даштевски, кандидатот за претседател Стево Пендаровски добил 180 499, Гордана Силјановска-Давкова 363 085, Стевчо Јакимовски 8 121, Бујар Османи 120 811, Билјана Ванковска-Цветковска 41 331, Арбен Таравари 83 337 и Максим Димитревски 83 855

Државната изборна комисија (ДИК) денеска донесе заклучок за конечните резултати од гласањето во првиот круг на пртеседателските избори.

Во заклучокот, како што беше наведено, за изборите одржани на 24 април годинава, во избирачки список биле запишани вкупно 1 814 317 гласачи од кои гласале 905 622. Неупотребени гласачки ливчиња биле 908 720, важечки ливчиња 881 040, а неважечки имало 24 560.

Според конечните резултати, кои ги прочита претседателот на ДИК, Александар Даштевски, кандидатот за претседател Стево Пендаровски добил 180 499, Гордана Силјановска-Давкова 363 085, Стевчо Јакимовски 8 121, Бујар Османи 120 811, Билјана Ванковска-Цветковска 41 331, Арбен Таравари 83 337 и Максим Димитревски 83 855.

Силјановска-Давкова со 182 илјади гласови разлика пред Пендаровски во првиот круг од изборите

Во вториот круг на избори за претседател што треба да се одржат на 8 мај, Даштевски рече дека ќе се гласа за кандидатите за претседател Стево Пендаровски под реден број 1 и Гордана Силјановска-Давкова под реден број 2.

Силјановска-Давкова 362 682, Пендаровски 180 306 – податоци од ДИК по 99,85 % обработени избирачи

На денешната седница на ДИК беше соопштено дека за претстојните двојни избори на 8 мај, до Државната изборна комисија дополнително пристигнале акредитации од 52 домашни набљудувачи, 11 меѓународни и пет странски новинари.