Претседателот на Собранието Талат Џафери вечерва го потпиша решението за распишување на изборите, информираат од неговиот кабинет, од каде најавија и негова изјава за утре во 10 часот.
Во моментов во тек е седница на Државната изборна комисија, која го очекува официјалниот документ од Џафери. На дневен ред има повеќе точки, но главно се поврзани со предвремените парламентарни избори кои треба да се одржат на 12 април. Се очекува ДИК вечерва да го донесе роковникот за спроведување на изборните дејствија.