На видеоснимка направена од возило што поминувало во близина, се гледа како авионот модел „лирџет 60“ нагло удира во прометна сообраќајница, по што избувнува пожар
Приватен авион, кој летал од Остин, Тексас, кон Бахамите, во неделата попладне се урнал во округот Палм Бич, Флорида. При ударот се создал длабок кратер, а запалени остатоци од леталото завршиле на само неколку метри од блиските куќи и деловни објекти. Според официјални лица, сите девет лица кои се наоѓале во авионот загинале, пишува Си-ен-ен.
На видеоснимка направена од возило што поминувало во близина, се гледа како авионот модел „лирџет 60“ нагло удира во прометна сообраќајница, по што избувнува пожар.
WATCH: New video shows Learjet 60 business jet crashing near West Palm Beach, Florida. The plane was completely disintegrated upon impact. Number of casualties unknown. https://t.co/l5JT9KEWnQ
— BNO News (@BNONews) November 1, 2026
Авионот летал кон исток кога пилотите пријавиле турбуленции, замрзнување и врнежи и побарале дозвола да се искачат дополнителни 2 000 стапки. Неколку моменти подоцна, авионот се спуштил и забрзал над своите проектни граници, покажуваат податоците за комуникациите на контролата на воздушниот сообраќај и следењето на летот.
„Се спуштаме со 8 000 стапки во минута. Мејдеј, мејдеј, се спуштаме со 10 000 стапки во минута. Ќе се срушиме на земја“,
рекол пилотот.
Инаку, Мејдеј е термин за итни случаи што се користи меѓународно како сигнал за опасност во гласовната радиокомуникација.
Како што се додава во написот на Си-ен-ен, околу 35 секунди по првиот повик за помош, последното нешто што се слушнало од пилотската кабина било: „Ни истекува времето“.
Официјалните лица сè уште не соопштиле што ја предизвикало несреќата, ниту пак го откриле идентитетот на деветтемина загинати, односно колку од нив биле патници, а колку членови на екипажот.
Американскиот министер за транспорт Шон Дафи рече дека сите девет лица во авионот загинале, нарекувајќи ја несреќата „ужасна трагедија“.
Гувернерот на Флорида, Рон ДеСантис, на местото на настанот изјави дека станува збор за катастрофална авионска несреќа.
„Изгледаше како да паѓа проектил, а имаше голем кратер покрај патот“,
рече тој.
Тој додаде дека делови од авионот биле расфрлани на големо растојание.
Фотографиите од местото на настанот покажуваат штета на дел од патот и пламен на земјата.
A massive crater has formed at the crash site after the Learjet 60 private jet plunged into the ground near Palm Beach, Florida, USA. The ATC communication recording has now been released, offering a glimpse into the aircraft’s final moments. https://t.co/GEUJhlQh5L
— The Nalanda Index (@Nalanda_index) November 2, 2026