Денеска едночасовна блокада на улици во Скопје и патишта низ државата наместо протести

Вечерва и утре нема да има протест, а наредниот е закажан за в недела во 19 часот пред Владата

За денеска од 13 до 14 часот најавени се блокади на сообраќајниците во Скопје пред Владата, на патот Велес-Штип, Струмица- Радовиш и Прилеп кај Плетвар против францускиот предлог за кревање на бугарското вето и деблокада на македонските евроинтеграции.

Вечерва и утре нема да има протест, а наредниот е закажан за в недела во 19 часот пред Владата.

Вчерашниот шести по ред протест се одвиваше мирно на кој говорниците пред Собранието како и во изминатите денови од протестот побараа оставки од Владата и отфрлање на предлогот.

(ФОТО) Заврши вечерашниот протест против францускиот предлог, од утре блокади низ државата

Претходно Владата го проследи предлогот до Собранието.

Владата ја разгледа предлог-преговарачката рамка со ЕУ и ја испрати до Собранието

Лидерот на ВМРО ДПМНЕ Христијан Мицкоски пред почетокот на протестот оцени дека „Владата се плаши самата да донесе одлука и тежиштето го префрла во Парламентот“, нагласувајќи дека ВМРО-ДПМНЕ нема да поддржи какви било уставни измени.

Мицкоски: Не ја гледаме логиката зошто владата ги пренесе во парламентот преговарачката рамка и заклучоците