Маж од Дебар, кој е хосиптализиран во ГОБ „ Септември“ во Скопје, е вториот нов случај на ковид-19 што се појави во оваа општина, која подолго од 45 дена беше без новозаболени, откако претходно беше во карантин.
Во петокот ковид-19 беше дијагностициран кај жена од селото Долно Косоврасти, која пред неколку години е оперирана од тумор во мозокот, имала висока температура и чести епилептични напади. Таа беше пренесена на Клиниката за неврологија во Скопје, каде што е потврено дека е заразена со коронавирус, по што е хоспитализирана во Инфективната клиника.
„Тестовите на лицата кои имале контакт со заболената жена се негативни на ковид-19,што е добра вест. Сепак сите тие и понатаму се во самоизолација“,
вели градоначалникот на Дебар Хекуран Дука, како што пренесу7ва МИА.
Новиот – денеска потврден случај е маж од Дебар, кој, како што потврдуваат од Општата болница, бил префрлен во Скопје поради силни болки во градите. Направениот тест потврдил присуство на коровирус, по што тој е хоспитализиран во болницата „Осми септември“.
Според полициската статистика од последното деноноќие, во Дебар во самоизолација се 45 лица, но поради новиот случај бројот денеска е поголем, јави МИА.