Испораката на тенковите се очекува да започне на почетокот на 2024 година
Данска и Холандија планираат заеднички да купат 14 тенка „леопард 2“ и да ѝ ги донираат на Украина, соопштија двете земји во четвртокот, пренесе Ројтерс.
Испораката на тенковите се очекува да започне во 2024 година.
„Тенковите ‘леопард 2А4’, кои ќе бидат купени од трета страна и обновени, се очекува да бидат испорачани во Украина првиот квартал на 2024 година“,
се вели во заедничкото соопштение.
Проценетата цена на тенковите од 165 милиони евра ќе биде поделена меѓу Данска и Холандија.
Во февруари годинава Данска, Германија и Холандија објавија дека ќе ги здружат ресурсите за да обноват најмалку 100 стари тенкови „леопард 1“ од индустриските резерви и да ги достават во Украина оваа и следната година.