Во Северна Македонија, пак, е забележан позитивен напредок по однос на Индексот за перцепција на корупцијата. Па така, во 2021 година Северна Македонија се наоѓа на 87. место на листата од 180 земји, што е позитивен скок за 24 места во однос на 2020 година, кога Македонија беше на 111. место
Со 88 бода, Данска годинава е најдобро рангирана во светот според Глобалниот индекс на перцепција на корупција објавен од „Транспаренси интернешнл“, а првото место по најнизок степен на корупција го дели со Финска и Нов Зеланд.
Најлошо рангирана земја, пак, годинава е Јужен Судан на 180. место со 11 поени, односно два помалку од Сирија и Сомалија.
Во Северна Македонија, пак, е забележан позитивен напредок по однос на Индексот за перцепција на корупцијата. Па така, во 2021 година Северна Македонија се наоѓа на 87. место на листата од 180 земји, што е позитивен скок за 24 места во однос на 2020 година, кога Македонија беше на 111. место, што беше најлошиот ранг од 2001 година, откога земјава првпат беше ставена на ранг-листата.
Северна Македонија бележи 39 поени од можни 100 и се наоѓа на иста позиција по однос на перцепција на корупција со Колумбија, Етиопија, Гвајана, Косово, Мароко, Суринам, Танзанија и Виетнам.
Во однос на состојбата на Балканот, Србија втора година по ред бележи индекс од 38, што се нејзини најниски проценки досега, и е на 96. место од 180 земји според Глобалниот индекс на перцепција на корупцијата 2021 објавен денеска од „Транспаренси интернешнл“. Србија го дели 96-тото место со пет други земји – Аргентина, Бразил, Индонезија, Лесото и Турција.
Од другите држави на Западен Балкан, Црна Гора има индекс 46, Босна и Херцеговина и Албанија 35, Словенија е на 41. место со индекс 57, а Хрватска на 63. место со индекс 47.
Индексот на перцепција на корупција рангира 180 земји и територии во светот според нивото на корупција во јавниот сектор, а резултатите покажуваат скала од нула, што значи висока корупција до 100 кога станува збор за многу чиста земја или територија во однос на корупцијата.