Србија ќе испрати помош од Хеликоптерската единица и Одделението за вонредни состојби на МВР, за гаснење на шумските пожари во Северна Македонија, соопшти српскиот министер за внатрешни работи Ивица Дачиќ.
Станува збор за противпожарен хеликоптер Камов К-32 со капацитет од пет тони вода, со седум припадници на Министерството за внатрешни работи, Хеликоптерската единица и припадник на Секторот за вонредни ситуации, кои утре во 9 и 30 часот тргнуваат за Северна Македонија, се наведува во објавата на министерството за внатрешни работи на Србија.
Фото: Принтскрин
Како што изјави Дачиќ, припадниците на МВР на Србија ќе бидат ангажирани во гаснењето на пожарот на планината Серта во загрозената област во општините Неготино, Конче и Штип, а помошта се испраќа врз основа на барањето на Владата на Северна Македонија.
Дачиќ претходно изјави дека барањето за помош пристигнало телефонски од Северна Македонија поради големиот број пожари што избувнаа на територијата на земјата.
Денеска претпладне пристигнаа еден хелихоптер и два „ертрактори“ од Труција, а во текот на утрешниот ден ќе пристигнат два хелихоптери од Словенија и по еден хелихоптер од Србија и Црна Гора што ќе се приклучат кон гасењето на пожарите низ земјата.
Ова денеска го соопшти министерот за внатрешни работи Панче Тошковски, кој претседаваше со седницата на Управувачкиот комитет за координација на системот со управување со кризи, на која присустуваа и министрите за одбрана Владо Мисајловски и за надворешни работи и трговија Тимчо Муцунски, како и раководителот на Групата за процена на ризиција и опасности Стојанче Анѓелов.