Министерот за внатрешни работи Наќе Чулев подготвил предлог-уредба која ќе ја достави до Владата за парично наградување на полициските службеници кои придонесуваат во борбата против пандемијата со ковид-19.
Чулев информираше дека уредбата ќе предвидува награда од 15 000 денари линеарно и еднократно за секој од нив.
„Уредбата ги опфаќа сите полициски службеници, вработените во управните служби и останатиот административен персонал во Министерството за внатрешни работи кои целиот овој период неуморно и пожртвувано даваат сѐ од себе во првите редови во справувањето со коронавирусот. Немам никаква дилема дека тие со својот труд и ангажман го заслужуваат ова и очекувам Владата на првата наредна седница да ја усвои оваа уредба“,
вели Чулев.