Министерот за здравство Венко Филипче на својот фејсбук-профил објави дека Владата ќе ги награди здравствените работници со по 20 проценти од основната плата за два месеца.
Се работи за докторите и медицинскиот персонал на Клиниката за инфективни болести, инфективните одделенија, Институтот за јавно здравје и Центрите за јавно здравје, како и сите членови на тимовите од Итната медицинска помош.
„Благодарност за најизложените здравствени работници во борбата против ковид-19“,
напиша Филипче на Фејсбук.