Министерот Наќе Чулев на фејсбук најави неколку мерки кои МВР ќе ги предложи на денешната владина седница
Наредба за самоизолација за сите патници кои пристигнуаат во земјава, управните служби да работат за променето работно време, мерките за забрана за работа да ги опфатат и автошколите, армијата да ја контролира зелената граница и теренските возила на јавните претпријатија да се стават на располагање на МВР. Ова се дел од мерките кои МВР денеска ќе ги предложи на владината седница закажана за 19 часот, објави на фејсбук министерот Наќе Чулев.
Конкретно, се работи за следниве мерки:
-Управните служби да работат со променето работно време, односно во Скопје од 07:30 – 18:00, а во останатите градови од 07.30-16.30;
-Со мерките за прекин на Владата да се вклучат и автошколите и Испитните центри;
-Армијата целосно да го преземе обезбедување на зелената граница и тоа на подрачјето на ПС за граничен надзор Блато и ПС за граничен премин и надзор Џепчиште, со цел полициските службеници од Граничната полиција да се стават во функција на граѓаните од регионот каде е прогласена кризна состојба;
-Ресурсите на јавните претпријатија, пред се во делот на теренски возила да се стават на располагање на Министерството за внатрешни работи;
-На сите гранични премини, вклучувајќи го и скопскиот аеродром на сите лица кои влегуваат во нашата држава да им биде врачена наредба и формулар за изјава за самоизолација.
Чулев во објавата на фејсбук соопштува дека во моментов Министерството за внатрешни врши патролно обезбедува автобуси со кои 32 државјани на Албанија и 20 државјани на Косово од скопскиот аеродром ќе бидат проследени со полициска придружба до граничен премин на излез од државата.