„Во годината на испорака постигнавме стратешка цел на владата на Хрватска од што најголем бенефит ќе имаат граѓаните и стопанството“, порача хрватскиот премиер Андреј Пленковиќ откако неговата земја доби зелено светло од ЕУ за влез во Шенген зоната
Со влезот во Шенген зоната остваруваме една од стратегиските цели на владата на Хрватска, напиша попладнево хрватскиот премиер Андреј Пленковиќ на својот твитер-профил, откако министрите на земјите членки на Европската Унија одлучија Хрватска да стане членка на Шенген.
„Хрватска доби едногласна поддршка од Советот за внатрешни работи и правда. На 1 јануари 2023 година стануваме членка на Шенген! Во годината на испорака постигнавме стратешка цел на владата на Хрватска од што најголем бенефит ќе имаат граѓаните и стопанството“,
пишува на Твитер хрватскиот премиер Пленковиќ.
Hrvatska je dobila jednoglasnu podršku Vijeća za unutarnje poslove i pravosuđe – 1. siječnja 2023. postajemo članica #Schengen! U godini isporuke ostvarili smo strateške ciljeve @VladaRH, od kojih će najveću korist imati 🇭🇷 građani i gospodarstvo!
— Andrej Plenković (@AndrejPlenkovic) December 8, 2022
✅ #Eurozone
✅ #Schengen pic.twitter.com/mPCGMpGZ1E
На Твитер се огласи и министерот за внатрешни работи на Хрватска, Давор Божиновиќ кој порача дека од приемот на Хрватска во Шенген зоната корист ќе имаат сите – граѓаните, економијата, Хрватска и Европската Унија.
„Хрватска е во Шенген! Нема повеќе граници на нашето европско патување. Ги исполнивме сите услови, поминавме низ долг и тежок процес, а одлуката беше донесена во целосна согласност на Советот за внатрешни работи“,
се наведува во твитер-објавата на хрватскиот министер за внатрешни работи Божиновиќ.
Hrvatska je u Schengenu!
— Davor Božinović (@DavorBozinovic) December 8, 2022
Na našem europskom putu više nema granica. Ispunili smo sve uvjete, prošli dug i zahtjevan proces te je na Vijeću za unutarnje poslove odluka donesena u potpunom suglasju.
S Hrvatskom u Schengenu na dobitku su svi – građani, gospodarstvo, Hrvatska i EU. pic.twitter.com/zgwM3aiy7t
Според одлуката на Европската Унија, Хрватска од 1 јануари и официјално ќе стане дел од Шенген зоната.
За разлика од Хрватска, Бугарија и Романија не добија поддршка од министрите за внатрешни работи на земјите членки на ЕУ и на Шенген зоната за прием во Шенген.