Минатата година партијата ГЕРБ и прозападниот блок на кој ѝ припаѓа Денков потпишаа договор според кој министерката за надворешни работи Марија Габриел ќе ја преземе премиерската функција откако Денков ќе го заврши деветмесечниот мандат
Бугарскиот премиер Николај Денков вчера соопшти дека поднел оставка од премиерската функција, како и дека таа веќе е доставена до Народното собрание.
Се очекува пратениците да расправаат за предлог-одлуката за прифаќање на оставката на премиерот.
Со тоа, согласно договорот од минатогодишните избори, Денков ќе го наследи неговиот коалициски партнер од централно десничарската партија ГЕРБ ќе ја води владата.
„Ова не е политичка игра, ова е почитување на даден збор, тоа е израз на доследност, политички ферплеј и почит кон граѓаните. Денеска ја исполнувам обврската што ја презедовме со заедничката декларација на 6 јуни 2023 година“,
изјавил Денков.
Минатата година партијата ГЕРБ и прозападниот блок на кој ѝ припаѓа Денков потпишаа договор според кој министерката за надворешни работи Марија Габриел ќе ја преземе премиерската функција откако Денков ќе го заврши деветмесечниот мандат.
Според државната новинарска агенција БТА, денеска е првата среда во месецот и според Деловникот на Националното собрание пратеничките групи можат да предложат точки на дневниот ред, кои мора да бидат ставени на разгледување.
„Пратеничката група на ПП-ДБ предложи предлог-одлука за прифаќање на оставката на премиерот“,
пишува БТА.