Како што објави бугарското МО, авганистански граѓани, кои работеле за Бугарија за време на операции на НАТО, како и бугарски граѓани и нивни семејства, се успешно евакуирани на 15 септември
Бугарскиот министер за одбрана Георги Панајотов од Пакистан ја командуваше операцијата за повлекување авганистански и бугарски државјани од Кабул, по наредба на преодниот премиер Стефан Јанев.
Како што објави бугарското Министерство за одбрана, авганистански граѓани, кои работеле за Бугарија за време на операции на НАТО, како и бугарски граѓани и нивни семејства, се успешно евакуирани на 15 септември. Операцијата била организирана и спроведена од службата за воено разузнавање, по наредба на Јанев, а под директно раководство на Панајотов и во соработка со министерот за надворешни работи Светлан Стоев.
Во евакуацијата, како што соопшти бугарското МО, помогнала и бугарската амбасадорка во Пакистан, Ирена Ганчева, и претставници на меѓусекторската работна група, кои организирале прифаќање, сместување и превоз на авганистанските државјани.
Панајотов бил вионаот што летал од Исламабад за Софија, управуван од државниот воздухопловен оператор.
За време на посетата на Исламската Република Пакистан, Панајотов се сретнал со сојузниот министер за одбрана Первез Хатак.
Претходно, бугарската Влада одлучи да им даде азил на најмногу 70 Авганистанци кои работеа за бугарската Амбасада во Кабул и воените контингенти на земјата.