Бројот на активни случаи позитивни на ковид на целата територија на земјава изнесува 2 888. Денеска од 1 633 тестирања потврдени беа 118 нови случаи, а 127 се оздравени. Во изминатите седум дена речиси секојдневно бројот на оздравени лица на дневно ниво е повисок од бројот на нови случаи.
На 14 август, Министерството за здравство соопшти дека после подолг период во земјава бројот на активни ковид-случаи падна под 3 000. Истиот ден беа направени и рекордни 2 172 теста, а регистрирани беа двојно повеќе оздравени отколку нови случаи, односно оздравени беа 368, а нови 160 случаи.
Од почетокот на епидемијата во нашата земја регистрирани се 13 194 случаи на ковид, бројката на оздравени пациенти е 9 752, на починати е 554, во моментов бројот на активни случаи во земјата изнесува 2 888.