Од оваа установа велат дека нема да прифатат „наддавања“ и избрзани решенија за дислокација на институцијата, без, како што се вели во соопштението, да се земат предвид спецификите поврзани со дејноста и потребите на институцијата, согласно бројот на вработени и согласно услугите што ги дава на повеќе од 23 000 наставници, без да се изработи архитектонски проект и да се обезбедат целосно уредување на соодветен простор и соодветни услови за работа
По вчерашниот протестен марш на кој студентите на Факултетот за информатички науки и компјутерско инженерство (ФИНКИ) повторно побараа простории за да може, како што велат, нормално да ја следат наставата, денеска од Бирото за развој во образованието (БРО) излегоа со реакција во која велат дека нема да прифатат наддавања и избрзани решенија за дислокација на Бирото.
Деканот на ФИНКИ, Боро Јакимовски, вчера кажа дека чекаат одговор од Владата во врска со идејата за дислокација на Бирото за развој на образованието од техничкиот кампус, со што ФИНКИ би добил привремени простории. „На маса“ била и опцијата Бирото за образование пак да се пресели во нови простории на Технолошко-индустриските развојни зони (ТИРЗ). Тој очекува ова прашање да се најде на утрешната владина седница и да добијат позитивен исход.
„Иако пред десетина дена Бирото за развој на образованието излезе со соопштение во јавноста дека го поддржува ФИНКИ во решавање на просторниот проблем и доизградба на зградата за Факултетот којашто се гради во Универзитетскиот кампус на УКИМ (или за друго решение кое ќе го понуди Владата), притисоците за дислоцирање на Бирото за развој на образованието продолжуваат и вклучуваат нови актери“,
велат од БРО.
Оттаму велат дека оваа установа е надлежна за образованието на децата од предучилишно образование, учениците од основното и од средното образование, како и за обука и стручна поддршка на воспитувачите и на наставниците.
„Дејноста на Бирото не е ‘административна’, туку стручна и образовна, со голем број други надлежности кои се во функција на учениците и на наставниците, како и активности за изработка и дистрибуција на педагошката евиденција и документација. Така што, за да се зборува за „дислокација“ и обезбедување на нови простории за Бирото за развој на образованието потребно е да се знаат наведените надлежности, активностите што секојдневно се одвиваат, како и специфичноста на работните задачи на советниците, потребата од соодветни канцеларии, сали за состаноци/работилници/семинари, магацини за педагошка документација (свидетелства, дипломи итн.). Токму затоа, изненадуваат ‘пазарењата’ во јавноста, преку медиумите, не само на раководството на ФИНКИ, туку, сега и на ‘поддржувачи’ од државни институции, кои го нудат ‘својот’ имот за ‘административците’ од Бирото“,
пишува во реакцијата од Бирото.
Оттаму велат дека нема да прифатат „наддавања“ и избрзани решенија за дислокација на институцијата, без, како што се вели во соопштението од оваа институција, да се земат предвид спецификите поврзани со дејноста и потребите на институцијата, согласно бројот на вработени и согласно услугите што ги дава на повеќе од 23 000 наставници, без да се изработи архитектонски проект и да се обезбедат целосно уредување на соодветен простор и соодветни услови за работа.
„Она што изненадува во целата „приказна“ е зошто изминатите години ФИНКИ не беше ‘гласен’ и не притискаше за завршување на објектот наменет за Факултетот, зошто и сега не бара друго трајно решение, друга локација, туку притиска за добивање ‘привремени објекти’, дотраени бараки на друга институција, иако студентите ‘трчаат за зграда’, за нови простории, за подобри услови и тоа јавно го кажуваат, не сакаат бараки, туку современи простории“,
велат од БРО.
Од БРО прашуваат дали до трајното решавање на просторниот проблем, навистина не може да се најде соодветно решение за студентите на ФИНКИ во рамки на кампусот на техничките факултети со површина на земјиштето од 40 692 квадратни метри и во објектите на факултетите со површина од околу 26 000 квадратни метри во кои се образуваат вкупно 1 700 студенти од другите факултети, па неопходно е да се „дислоцира“ институција која има во „владеење“ само 1 000 квадратни метри.
„Иако нашата надлежност е за пониските степени на образование сѐ до високото образование, сепак, заради ‘проблемот’ на 5 000 студенти без услови за работа, познавајќи ги законските решенија и во високото образование, јавно прашуваме: Дали при акредитацијата на студиските програми ФИНКИ навел дека има обезбедено и просторни услови за изведување на наставата (што е услов/стандард за акредитација на
велат од БРО.
студиска програма)? Дали условите за акредитација на програмите (податоци за просторот) кои се наведени
одговараат на бројот на запишани студенти? Дали ‘вината’ е во Агенцијата за квалитет во високото образование што дозволила акредитација без соодветни услови или е кај ФИНКИ кој прикажал услови што, всушност, ги нема?“,
БРО прашува дали во случајот „барање простории“ повторно, заради пропустите на „други“, жртва се студентите, кои немаат услови за работа, кои, како што велат, се поттикнати „да трчаат“ не знаејќи ја вистинската заднина на проблемот.
„Можеби прашањата ќе предизвикаат дополнителни реакции кај многу ‘засегнати’ страни, но сметаме дека добро е јавно да се поставуваат прашањата и да се даваат одговорите, инаку може многу често да ни се случуваат ‘трки’ и други ‘спортски дисциплини’ од страна на ‘влијателните’, ‘моќните’, на оние кои ‘во името на младите’, ‘решаваат проблеми’, непринципиелно и со
прашуваат од БРО.
притисоци, а младите ги оставаат ‘да трчаат за зграда’, ама чија?“,
Директорот на Дирекцијата за технолошки индустриски развојни зони (ТИРЗ), Јован Деспотовски вчера излезе со предлог Факултетот за информатички науки и компјутерско инженерство (ФИНКИ) да се пресели во бараките на Бирото за развој на образованието (БРО), а Бирото во канцелариите на ТИРЗ, со што ќе се најде конкретно решение за проблемот зашто, како што рече, студентите мора да имаат приоритет над администрацијата.