Да дадеме се од себе во овој момент сите заедно да се обидеме некако да го зачуваме мирот. Навистина сме на работ на вооружен конфликт, благодарение на едностраните потези на Приштина. Ве замолувам, пред се, како граѓански организации чија основна цел е заштита на човековите права, да проговорите за тортурата што ја доживуваат Србите на Косово и Метохија, рече премиерката на Србија
Состојбата на Косово и Метохија беше една од темите и на седницата на Националната конвенција за Европската унија. Премиерката на Србија, Ана Брнабиќ, своето обраќање на таа седница го заврши со барање до организациите од граѓанскиот сектор да се изјаснат за ситуацијата во Косово, наведувајќи дека ситуацијата таму е „на работ на вооружен конфликт“.
„Моето последно барање, а се однесува кога зборуваме за евроинтеграции и тоа е исклучително важно. А, тоа е да дадеме се од себе во овој момент сите заедно да се обидеме некако да го зачуваме мирот. Навистина сме на работ на вооружен конфликт, благодарение на едностраните потези на Приштина. Ве замолувам, пред се, како граѓански организации чија основна цел е заштита на човековите права, да проговорите за тортурата што ја доживуваат Србите на Косово и Метохија“,
рече Брнабиќ.
Таа додаде дека адвокатот на уапсениот поранешен припадник на косовската полиција, Дејан Пантиќ, 12 дена не можел да стапи во контакт со неговиот клиент.
Ова е причината за поставување барикади на северот на Косово, рече Брнабиќ, со порака: Верувам дека меѓусебно се нервираме, но дијалогот е важен.
Претставничката на Националната конвенција, Бојана Селаковиќ, изјави дека единствениот можен и патриотски избор на Србија, кој е во интерес на нејзините граѓани, е „да стане дел од европското семејство“.
Селаковиќ, говорејќи на седницата на Националната конвенција за ЕУ одржана во Парламентот на Србија, рече дека „мнозинството граѓани на оваа земја, без разлика на резултатите од анкетите за односот кон Европската унија, сепак го сакаат тој пат“.
Брнабиќ пред два дена за РТС изјави дека Србите на северот на Косово се на барикадите бидејќи бараат основни човекови права и „ништо повеќе од тоа“. Брнабиќ истакна дека се плаши од ескалација, но дека Србија ќе направи се за да го зачува мирот и некаква стабилност.
Таа рече дека е длабоко разочарана од реакцијата на меѓународната заедница и одговорот на меѓународната заедница на, како што вели, низата провокации на Албин Курти кон Србите.
Тој вели дека Србите во Косово се слушаат во Брисел и Вашингтон само кога се на барикадите.
„И дури и тогаш не нè слушаат многу добро. Србите на север бараа само да се почитуваат основните човекови права и да се знае каде е приведен Дејан Пантиќ и дека добивал лекови. Ги имате сите европски институции кои тивко гледаат сè, немо набљудуваат“,
изјави Брнабиќ за РТС.