Тој изјави и дека српската војска е десет до петнаесет пати посилна од пред десет години и дека во Баку ќе разговара за воена соработка.
Претседателот на Србија, Александар Вучиќ, денеска од Азербејџан, во изјава за ТВ Пинк, рече дека довербата на Србија во Западот повеќе не постои по изјавата на поранешната германска канцеларка Ангела Меркел дека минските договори се потпишани само за да се купи време за Киев, како и изјавата на функционерот кој во лице му рекол дека Западот не би почитувал ниту еден договор.
Тој се осврна на изјавите на германскиот амбасадор Јорн Роде, велејќи дека тој е „познат по своите антисрпски ставови и дека се меша во сè, почнувајќи од тоа каков грав ќе се јаде во Северна Митровица“.
На изјавата на Роде дека барикадите во Косово треба да бидат отстранети до Божиќ, Вучиќ посочи:
„Неговата изјава е опасна, таа е закана за српскиот народ“.
Тој праша и зошто Приштина ги споменува жртвите и колку Срби ќе убијат, а го спомена и косовскиот премиер Албин Курти, за кого исто така рече дека се заканува.
„Германија сака целосна доминација на Балканот“, тврди Вучиќ и додаде дека отсекогаш знаел дека „некој го турка Курти во неговата нерамнотежа“.
Тој изјави и дека српската војска е десет до петнаесет пати посилна од пред десет години и дека во Баку ќе разговара за воена соработка.
„Секако дека ни треба силна војска, инаку би нè голтале како мачка и глушец“,
рече Вучиќ.
Тој потоа се осврна кон Турција. „На односите со нив“, рече Вучиќ, „ќе влијае тоа што тие ја вооружуваат Приштина, мислејќи на беспилотни летала“.
Вучиќ рече дека за кризата на северот на Косово, како врховен командант на војската на Србија, ќе носи одлуки во согласност со интересите на својот народ.
„Подобро да зборуваме илјада дена отколку да се бориме еден ден“,
рече Вучиќ.