Во проценката која британското Министерство за одбрана ја објави на Твитер-профилот на Министерството, се наведува дека окупациските власти во Украина се под зголемен притисок од Москва да ја зацврстат контролата, а оти окупациските власти во териториите на јужна Украина се подготвуваат годинава да одржат референдуми за приклучување кон Русија
Британското Министерство за одбрана денеска објави проценка оти властите инсталирани од Русија на окупираните територии во јужна Украина веројатно се подготвуваат годинава да одржат референдуми за приклучување кон Русија, јавува Радио Слободна Европа.
Во својот дневен билтен на Твитер, Министерството соопшти дека окупациските власти во Украина се под зголемен притисок од Москва да ја зацврстат контролата.
(3/4) Across the newly occupied territories in southern Ukraine, Russian-installed authorities are highly likely under increasing pressure from Moscow to consolidate their control over the region and prepare for referendums on joining Russia later in the year.
— Ministry of Defence 🇬🇧 (@DefenceHQ) July 30, 2022
„Локалните власти веројатно го принудуваат населението да дава лични податоци за да ги состави избирачките списоци“,
се наведува во објавата на Министерството на Твитер.
Се додава дека Русија во моментов смета дека окупираните територии во Украина се под привремена цивилно-воена администрација.
(4/4) Russia currently classes the occupied areas as under interim ‘civil-military administration’. Local authorities are likely coercing the population into disclosing personal details in order to compose voting registers.
— Ministry of Defence 🇬🇧 (@DefenceHQ) July 30, 2022
Минатиот месец, воената администрација инсталирана од Москва во областа околу окупираниот украински град Херсон соопшти дека се подготвува да одржи референдум за приклучување кон Русија.
Пристанишниот град на Црното Море – Херсон е под целосна руска контрола од почетокот на март.