После една недела откако беше хоспитализиран поради коронавирусот, британскиот премиер Борис Џонсон излезе од болница.
„По совет на лекарите, премиерот нема веднаш да се врати на работа. Се заблагодарува на сите во болницата Сент Томас за интензивната нега што ја доби“,
изјави владиниот портпарол.
Џонсон беше хоспитализиран пред една недела, откако за време на самоизолацијата имал интензивни симптоми на ковид-19.
Тој три дена беше на интензивна нега, а му беше дадена и кислородна поддршка.
Пред излегувањето Џонсон изрази благодарност до медицинскиот персонал, посочувајќи дека им го должи својот живот.