„Северна Македонија е наш силен сојузник. Добрососедските односи и регионалната соработка мора да останат приоритет за земјата“, рече високиот претставник на ЕУ за надворешна политика и безбедност
Сакаме да ја видиме Северна Македонија како напредува во процесот на пристапување во Европската Унија, напиша високиот претставник на ЕУ за надворешна политика и безбедност Жозеф Борел на социјалната мрежа Икс, истовремено известувајќи дека имал средба со министерот за надворешни работи и надворешна трговија Тимчо Муцунски на маргините на самитот на НАТО во Вашингтон.
Борел објави и фотографија со Муцунски на која се гледа како се поздравуваат на маргините на самитот.
„Северна Македонија е наш силен сојузник. Добрососедските односи и регионалната соработка мора да останат приоритет за земјата“,
напиша Борел.
Happy to meet with new Foreign Minister of North Macedonia @TimcoMucunski.
— Josep Borrell Fontelles (@JosepBorrellF) July 11, 2024
North Macedonia is our strong ally. Good neighbourly relations & regional cooperation have to remain a priority for the country.
We want to see North Macedonia move forward in the EU accession process. pic.twitter.com/oK6QSdC3jJ
Министерот Муцунски е дел од македонската делегација која изминатите три дена учествуваше на самитот на НАТО и ја предводи премиерот Христијан Мицкоски, а во чиј состав се и министрите за одбрана и внатрешни работи, Владо Мисајловски и Панче Тошковски.