Во последните 24 часа руските сили извршиле два напада со проектили и 44 ракетни напади врз позициите на украинската армија, вклучително и на 25 населени места околу Бахмут и Авдијевка, кои се во центарот на новата офанзива на Москва во Донецк
Украинскиот претседател Володимир Зеленски во своето редовно ноќно обраќање рече дека сè уште нема струја и дека речиси девет милиони луѓе се без овој извор на енергија. Но, како што потенцира, благодарение на напорите на украинските инженери, интервалите на прекини на електрична енергија се намалуваат
Руските сили започнаа нови напади врз градовите Бахмут и Авдијевка во источна Украина, поддржани со артилериски оган, соопшти украинската влада. Во меѓувреме претседателот Володимир Зеленски изјави дека милиони цивили се во мрак и без греење поради уништување на цивилната инфраструктура во руските напади, јавуваат агенциите.
Во последните 24 часа руските сили извршија два напади со проектили и 44 ракетни напади врз позициите на украинската армија, вклучително и на 25 населени места околу Бахмут и Авдијевка, кои се во центарот на новата офанзива на Москва во Донецк.
Луганск и Харков се другите два региони на исток, покрај Донецк, кои се цел на засилените руски напади, се вели во соопштението од украинските власти. Во јужниот регион Херсон, руските сили бомбардирале населени места вдолж десниот брег на реката Днепар, соопшти украинската војска.
Според Киев, украинските сили одговориле со напад на руски позиции во близина на Новобилозерк во регионот Запорожје.
Британското Министерство за одбрана во својот дневен разузнавачки извештај потврди дека во последните два дена Луганск и Донецк се регионите кои биле под најсилни напади од руските сили.
„Во текот на последните 48 часа борбите продолжија со фокус на регионот Бахмут и Донецк и во близина на Сватов во Луганск. Русија продолжува со чести мали напади на овие области иако нема големо поместување на позициите на теренот“,
се наведува во извештајот на британското Министерство за одбрана објавен на Твитер.
Latest Defence Intelligence update on the situation in Ukraine – 27 December 2022
— Ministry of Defence 🇬🇧 (@DefenceHQ) December 27, 2022
Find out more about the UK government’s response: https://t.co/tmY17jcQQk
🇺🇦 #StandWithUkraine 🇺🇦 pic.twitter.com/zSgoRgPkUe
Украинскиот претседател Володимир Зеленски во своето редовно ноќно обраќање рече дека сè уште нема струја и дека речиси девет милиони луѓе се без овој извор на енергија.
Но, како што потенцира, благодарение на напорите на украинските инженери, интервалите на прекини на електрична енергија се намалуваат.
„Се разбира, недостигот сè уште постои. Прекините продолжуваат. Од оваа вечер околу девет милиони луѓе се без струја во различни региони на Украина. Но, бројот и времетраењето на прекините сè уште постепено се намалуваат. Им благодарам на сите што го обезбедија овој резултат“,
рече Зеленски.
Зборувајќи за состојбата на првата линија на бојното поле, Зеленски изјави дека Бахмут и Авдијевка се области за кои е потребна максимална сила и концентрација.
„Ситуацијата таму е тешка, болна. Окупаторите ги користат сите ресурси што им стојат на располагање, а тоа се значајни ресурси, за да постигнат барем одреден напредок“,
рече украинскиот претседател.
Последниот бран напади со беспилотни летала врз украинската инфраструктура се случи ноќта на 19 декември, кога руските трупи ја нападнаа Украина со камикаѕи-дронови од типот „шахед“ од иранско производство. Нападот бил насочен кон градот Киев и регионот на Киев.