Близначиња, женско и машко, се првите бебиња што се родија годинава во Скопје. Бебињата се родени на Универзитетската Клиника за гинекологија и акушерство во Скопје.
Како што информираат од Клиниката, првото е женско, родено во 00:01 часот, тешко 2.360 грама и долго 47 сантиметри. Второто е машко и е родено во 00:03 часот, тешко 1.760 грама и долго 46 сантиметри.
Бебињата и мајката Снежана од Скопје се чувствуваат добро.
Министерот за здравство Венко Филипче информацијата ја објави на својот фејсбук-профил и упати честитка до семејство.
„Да се живи и здрави! На родителите им посакувам убава, среќна и бериќетна година!“, пишува Филипче на Фејсбук.
Традиционално денеска градоначалникот на Град Скопје, Петре Шилегов, министерката за труд и социјална политика Мила Царовска, заменик-министерот за здравство Арменд Арслани и директорката на Универзитетската клиника за гинекологија и акушерство во Скопје, Викторија Јовановска, ќе ги посетат мајката и првородените бебиња.