Полска соопшти дека ѝ издала хуманитарна виза на 24-годишната белоруска олимписка атлетичарка, која стравуваше од апсење во Минск, поради критиките што ги објави на социјалните мрежи за тренерските гафови на нејзината репрезентација
.Американскиот државен секретар Ентони Блинкен го осуди обидот на Белорусија да ја натера спортистката Криштина Циманоскаја принудно да се врати во Минск од Олимписките игри во Токио.
Во објава на Твитер, Блинкен го нарече тој потег „обид за транснационална репресија“.
„Режимот на Лукашенко се обиде да изврши уште еден чин на транснационална репресија. Таквите постапки го кршат олимпискиот дух, ги повредуваат основните права и не може да се толерираат“,
оцени Блинкен.
The Lukashenka regime sought to commit another act of transnational repression: attempting to force Olympian Krystsyna Tsimanouskaya to leave simply for exercising free speech. Such actions violate the Olympic spirit, are an affront to basic rights, and cannot be tolerated.
— Secretary Antony Blinken (@SecBlinken) August 3, 2021
Полска соопшти дека ѝ издала хуманитарна виза на 24-годишната белоруска олимписка атлетичарка, како и дека ќе ѝ ја обезбеди целата неопходна поддршка.
Циманускаја влезе во полската амбасада во Токио, откако побара јапонска и меѓународна помош за да избегне летање во Белурусија против нејзина волја.
Таа изрази стравување дека може да се соочи со апсење во својата земја поради критики што ги објави на социјалните мрежи за тренерските гафови на нејзината репрезентација.