Американскиот државен секретар Ентони Блинкен ја поздрави одлуката на македонското Собрание за усвојувањето на Информацијата за Предлог-преговарачката рамка со Европската Унија.
Тој во писмена изјава вели дека САД ги препознава тешките размени кои се направени со овој компромис, но кој ги признава и почитува културниот идентитет на Северна Македонија и македонскиот јазик.
„Оваа одлука доаѓа во критичен момент за Северна Македонија, Западен Балкан и Европа. Европската унија која го вклучува целиот Западен Балкан, вклучително и Албанија и Северна Македонија, ќе биде посилна и попросперитетна. Сега е време да се изгради импулс и да се работи на следните чекори“,
вели Блинкен во писмената изјава.
Претходно честитка упатија и челните луѓе од Европската Унија, Шарл Мишел, Урсула фон дер Лајен и Оливер Вархеји кои едногласно порачуваат дека со тоа се зацртал европскиот пат на државата.