Претставници од Владата и членови на Комитетот за изградба на коридорите 8 и 10-д ќе ги презентираат документацијата и деталите од договорот за изградба на овие два коридори, во соодветна собраниска процедура, најавија денеска од Владата
Изградбата на делниците од коридорите 8 и 10Д се од стратешки интерес за државата и воедно е најголемата инвестицијата во инфраструктурата во државата, изјави потпретседателот на СДСМ Фатмир Битиќи во интервју за ТВ 21.
Тој нагласи дека 51 отсто од вредноста на проектот од 1,3 милијарди евра, односно 650 милиони евра, ќе добијат македонските градежни компании.
Битиќи коментираше и за новите закони кои треба да бидат донесени во Собранието за изградба на коридорите. Тој посочи еден пример со денешните закони.
„Поради законите кои постојат денеска, ние имаме проект финансиран од ЕБРД, од Европската Унија. Решението кое го дале имало три опции да се изберат и ахритектите избрале решение кое е најдобро за нив. Ама, најдоброто решение поминува низ село Бокојчани каде треба да се дислоцираат многу куќи, но и гробишта. Нормално, имаше поплаки од граѓаните, а тоа никој не го земал во предвид. Си седнале таму на Гугл мапс си проектирале. Сега ќе го нема тоа со надоградба на законите“,
рече Битиќи.
Претставници од Владата и членови на Комитетот за изградба на коридорите 8 и 10-д ќе ги презентираат документацијата и деталите од договорот за изградба на овие два коридори, во соодветна собраниска процедура, најавија денеска од Владата.
Битиќи посочи дека мерките за замрзнување на цените се почитуваат од сите синџири на маркети.
„Постојат одредени прекршувања на зелените пазари, но надлежните инспекции постојано контролираат и прекршителите се санкционираат“,
рече тој.