Оттаму велат дека за време на настанот обезбедувањето постапило според процедурите и претходно дадени упатства, кои се применуваат во вакви случаи и потенцираат дека во случајот никој од вработените не е повреден
По вооружениот грабеж кој се случил денеска изутрина, попладнево со соопштение се огласи управата на „Поинт Ритејл Парк“ (Point Retail Park) во населбата Топанско поле, од каде информирата дека се обиени банкомати со користење на за нив непознати средства.
Оттаму велат дека за време на настанот обезбедувањето постапило според процедурите и претходно дадени упатства, кои се применуваат во вакви случаи и потенцираат дека во случајот никој од вработените не е повреден.
Ниту за време на настанот имало надворешни клиенти во трговскиот центар, додаваат од „Поинт Ритејл Парк“.
Банкоматите, кои биле мета на разбојниците, се во сопственост на четири деловни банки. Биле сместени во метален објект во сопственост на „Поинт Ритејл Парк“, кој бил разнесен и е причинета материјална штета.
Според управата на трговскиот центар безбедносните камери јасно ги лоцирале ограбувачите и очекуваат брзо разрешување на овој, како што велат, немил настан.
„Благодариме на службите на МВР и Јавното обвинителство кои веднаш излегоа на местото на настанот и преземаа професионални оперативни мерки за откривање на сторителот на овој немил настан“,
се наведува во соопштението од трговскиот центар.
Од грабежот беше објавена и видео-снимка, на која се гледа како неколкумина ги демолираат банкоматите пред трговскиот центар, а потоа поставуваат некаков експлозив, по што се гледа детонација.