Оваа група граѓани ќе можат да се вакцинираат само со вакцината на „Фајзер“ бидејќи таква е препораката од Европската агенција за лекови
Белгија одобри вакцинација на деца од 12 до 15 години, но само со дозвола од родител или старател.
Адолесцентите ќе можат да се вакцинираат само со вакцината на „Фајзер“ и на доброволна основа.
Одлуката младите да се вакцинираат само со „Фајзер“ се заснова на препораката на Европската агенција за лекови (ЕМА).
Министерот за здравство на регионот Брисел, Ален Марон, изјави дека е важно адолесцентите да се вакцинираат што е можно во поголем број за да се забави ширењето на вирусот, кој поради делта-сојот предизвикува сериозна загриженост во Белгија.
Земјата во последната недела повторно се соочува со експоненцијален раст на новозаразени од ковид-19. Иако тоа се должи делумно на фактот што граѓаните се тестираат масовно пред заминување на одмор, експертите се одлучни дека делта-сојот е исто така дел од причините.
Здравствените власти алармираат дека без масовна вакцинација наесен, земјата може да се соочи со четврти бран.