Белгија одбива да ги отвори границите за земјите од белата листа на ЕУ

Eкспертската група за управување со ризици ѝ препорача на белгиската Влада да постапи внимателно со оглед на тоа дека повторно се воведуваат рестриктивни мерки во повеќе европски региони, а вирусот и натаму се шири

Белгија не прифаќа отворање на границите за земјите за од белата листа на ЕУ.

Како што јави МИА од Брисел, експертската група за управување со ризициѝи препорача на белгиската Влада да постапи внимателно со оглед на тоа дека повторно се воведуваат рестриктивни мерки во повеќе европски региони, а вирусот и натаму се шири.

Иако Белгија нема да воведе рестрикции кон други земји на ЕУ, списокот изготвен од страна на Советот на ЕУ за трети земји претставува проблем, брифираат од експертската група.

Минатата недела, Советот на ЕУ издаде листа на 14 земји за кои се смета дека е безбедно да им биде дозволено да влезат на територијата на Шенген зоната со оглед на епидемиолошката состојба.

Би-би-си: ЕУ ќе ги отвори границите за 14 безбедни земји

Препораката на Советот не е задолжителна за земјите членки на ЕУ кои можат да одлучат да не ја применат.

Италија нема да ја почитува „белата листа“ на ЕУ за патување – карантинот останува за државјаните на земјите надвор од блокот

Таков е случајот со Белгија, која денеска најави дека го разгледува списокот поднесен од страна на ЕУ.

Белгија нема да ги отвори границите за 14-те земји ставени на европскиот список затоа што “ризикот е сѐ уште голем“ или затоа што тие земји не воведуваат мерки на реципроцитет, односно не ги отвораат границите за белгиските граѓани.

Земјите за кои ЕУ даде зелено светло се Србија, Црна Гора, Уругвај, Грузија, Алжир, Австралија, Канада, Јапонија, Мароко, Нов Зеланд, Руанда, Јужна Кореа, Тајланд и Тунис.

Белгиската Влада вети дека состојбата ќе се следи дневно во овие земји и дека одлуката може да се промени и забраните да бидат отстранети доколку се исполнети условите.