Претходно Германија ѝ порача на Кина да почне да користи мРНА вакцини од Запад за да излезе од пандемијата, пишува Политико
САД ја изразија својата поддршка за луѓето во Кина кои протестираат против „затворањата“ (локдаун) што нивната влада ги воведува, строго следејќи политиката на нулта-ковид.
„На луѓето треба да им се дозволи правото да се собираат и мирно да протестираат против политиките или законите или диктатите со кои не се согласуваат. Белата куќа го поддржува правото на мирен протест“,
изјави портпаролот на Белата куќа за национална безбедност Џон Кирби.
Тој додаде дека САД не добиле никакви барања од Кина за вакцини, откако експертите сугерираа дека кинескиот претседател Си Ѓинпинг можеби ќе треба да увезе западни вакцини доколку одлучи да ја релаксира политиката на неговата земја за коронавирусот.
Претходно Германија ѝ порача на Кина да почне да користи мРНА вакцини од Запад за да излезе од пандемијата, пишува Политико. Во последните денови во Кина се одржуваат големи граѓански немири и протести против политиката на земјата во врска со сузбивањето на коронавирусот.
Во Шангај демонстрантите го повикаа кинескиот претседател Си Ѓинпинг да поднесе оставка. Според локалните медиуми, протестите се смирени со оглед на силното полициско присуство на улиците.