Башар ал Асад и семејството се во Русија, добија азил – објавија руските новински агенции

Информацијата за тоа каде е досегашниот претедател на Сирија ја објавија ТАСС и Риа новости

Башар ал Асад е во Москва и доби азил во Русија, објави руската државна новинска агенција ТАСС, цитирајќи извор од Кремљ.

„Асад и членовите на неговото семејство пристигнаа во Москва. Русија им даде азил врз основа на хуманитарни причини“,

се вели во изјавата која ја пренесе агенцијата.

Информацијата ја објави и новинската агенција Риа новости, која исто така се повикува на извори од Кремљ.

• (ВИДЕО) Луксузниот живот на Башар ал Асад низ телефонските камери на бунтовниците

Претходно денеска, министерството за надворешни работи на Русија соопшти дека сирискиот претседател Башар ал Асад ја напуштил функцијата и земјата откако наредил мирно предавање на власта.

Министерството исто така соопшти дека Русија не учествувала во дискусиите околу неговото заминување.