Кандидатот за претседателска номинација Џо Бајден, како што јавуваат медиумите во САД, е соочен со можеби најделикатната одлука во својата 50-годишна политичка кариера – изборот на кандидат за потпретседател на претстојните избори, закажани за 3 ноември.
Бајден, најизвесниот претседателски кандидат на Демократската партија, особено по повлекувањето на Берни Сандерс, следната недела би требало да соопшти кој ќе се најде на списокот на потенцијални кандидати за потпретседател на САД, јавуваат американските медиуми, повикувајќи се на добро упатени извори.
Како што sе пренесува, Бајден преземал обврска да избере жена за потпретседателски кандидат и на почетокот на неделава што следи ќе ги информира своите донатори дека неговата екипа е подготвена да го соопшти името на кандидатката значително пред конвенцијата на Демократската партија, закажана за август.
Изборот на кандидати за потпретседател секогаш е најделикатен за претседателските кандидати. Но е особено е значаен за 77-годишниот Бајден кој се очекува да му биде противкандидат на сегашниот американски претседател Доналд Трамп. Во случај на победа на изборите, Бајден, поранешен потпретседател на САД, би бил највозрасниот американски претседател досега. .